D`Chue

1. (Kata)-Strophe

I stand im Stall, ä Chue die schisst / was my zwar nid von Sockel risst
doch hueschtet si zur gliche Zit / und drum fliegt dä Blätter wit
us vollem Rohr ganz elegant / wer theoretisch voll an d`Wand
doch will ich drzwüsche schtand / breichts my wie gsee`ni dry?
My Brülle / isch jetz voll Gülle / au d`Bluse / `s tuet mr gruuse
und d`Hose / müesst jetz lose / sy wie d`Schue / voll Mischt wäg der Chue.
D`Moral isch realistisch / das gsesch erscht wenn im Mischt bisch
wenn`s drufaachunt das lüchtet y / darfsch nie am falschen Ort sy
süscht gsesch verschisse dry!

2. (Kata)-Strophe

I stand im Stall, e Chue die schisst / I ha jetz glehrt drus was bewyst
will ich jetz gschwind uf d`Site stand / doch was passiert dasch allerhand
will die Chue wo näbädra / dasch die won ich jetz vor mer ha
lüpft dr Schwanz ganz unschiniert / und het denn uriniert.
So leert si ihri Blose / und mir laufts über d`Hose
und füllt mr ganz elegant / mini Schtifel voll bis zum Rand.
D`Moral isch realistisch / das gsesch erscht wenn d`verpisst bisch
was au machsch, dass es di nit breich / `s nützt dr nüt, am Schluss
stosch im Seich.

3. (Kata)-Strophe

I stand im Stall, e Chue die seicht / wette mr, dass mi nümm breicht
will ganz prophylaktisch han / i jetz e Rägemantel a
aber will die Chue mi leider / nümme kennt mit Rägechleider
fühlt si sich e so bedroht / dass si mir eis schlot
und breicht my "gopferdeckel" / mit voller Wucht an ... s`Schinbei
in dem Fall bini no froh / dass e Chue nid hööcher cha schlo.
D`Moral isch realistisch / das gsehn ich optimistisch
und glaub i ha do no Rächt / nid jede Tiefschlag isch schlächt!

Melodie und Text: Fredy Schär

Hat es links keine Taschenlampennavigation? Sind Sie über eine Suchmaschine eingestiegen? Hier geht`s zur kompletten FredySchärPage: http://www.fredyschaer.ch