Autofahrerlied

I muess hüt wie alldag mit em Auti neumen ane,
doch woni grad zur Usfahrt use will chunnt nundefahne
vo rechts es Auti, zwe vo links, vo rechts grad none Chare
Hei die jetz alli gwartet druf, dass ich will usefahre?

So jetz isch guet, i tramp ufs Gas, i bi hüt wieder z`spot,
doch bi dr zweute Chrüzig, do isch scho s`erscht mol rot,
so jetz isch grüen, he fahret au, was isch do vorne los?
Hets denn hüte würklich numme Dubel auf dr Strooss?

Esel, Affe, dummi Hüehner, s`isch halt eifach nümm wie früehner
Alt und Jung, Chli und Gross, närvt eim uf dr Stross

Jetz chunnt vo rächts ä sone sälte oberblöden Aff
und zwängt sich eifach ine, dass is chuum me z`Brämse schaff,
he du Trottel, säg emol, was bisch du für es Arsch...,
dass du mir in eim Garracho so vor d`Schnurre fahrsch?

Hinder mir dä jungi Süchel, wass het dä im Sinn?
Wenn dä no nöcher ufschliesst isch er mir im Chare dinn,
jetz drückt er voll ufs Gas und überholt im zweute Gang,
dä Laferi het s`Bilett sicher noni lang

Esel, Affe, dummi Hüehner, s`isch halt eifach nümm wie früehner
Alt und Jung, Chli und Gross, närvt eim uf dr Stross

Das glaub i nit jetz latscht ä Frau do uf ä Zebrastreife,
ich muess voll in d`Ise stige und es quitsche d`Reife,
was suechsch um die Zyt uf dr Strooss und luegsch mi a so gschtoche?
S`isch halber zwölfi, setsch du Chue nit lang scho hei go choche?

Jetz schlicht vor mir en alte Grufti, langsam packt mi d`Wuet
über achtzgi, fahrt chuum vierzg mit Brülle, Stumpe, Huet
drbi wer füfzg, du Schlottergreis, so fahr doch ändlig sächzg
und falls dä s`nonig gmerkt hesch, s`Gaspedal isch unde rächts

Esel, Affe, dummi Hüehner, s`isch halt eifach nümm wie früehner
Alt und Jung, Chli und Gross, närvt eim uf dr Stross

Scho wieder warte, will es Gschwür mi Fahrbahn tuet blockiere
es isch ä Frau wo ihres Auti sitlich will parkiere
nach em feufte Alauf het sis gschafft die dummi Niete
dä Fraue set mä s`Autifahre generell verbiete

Grad woni wieder Gas gib öffnet si doch ihri Türe
ha grad no chönne brämse, was isch denn das au füre
dummi cheibe Tschättere, es isch doch würklich wohr
si stigt us do gsehni, - s`isch ä Ma mit lange Hoor.

Esel, Affe, dummi Hüehner, s`isch halt eifach nümm wie früehner
Alt und Jung, Chli und Gross, närvt eim uf dr Stross

Hörprobe Schluss

Do plötzlich chömme mir alli so liechthupend entgege
was isch denn au passiert das sich die Deppe so ufrege?
Do zeigt mr ein dr Vogel und schreit: "Es isch ä Wahn,
si fahre in vercherter Richtig uf dr Autibahn!"

I ha denn blitzschnell gwändet, es isch jo nüt passiert,
doch ergerets mi grässlich wie dä mi het kritisiert
worum het är`s nit höflich gseit, dä huere Sehlequehler
Ä jede macht bim Autifahre mol ä chline Fehler.

zurück